Work er klefi fyrir 1 en hannaður með það að leiðarljósi að vera meira eins og lítil skrifstofa en klefi sem maður notar bara í stutta stund. Hann er frábær lausn þegar starfsmaður þarf fullkomið næði til að vinna í einhvern tíma í senn. Klefinn er rúmgóður og með þægilegri vinnuaðstöðu. Lítið skrifborð er í Work klefanum þar sem hægt er að vera með t.d. fartölvu, mús og einhverja pappíra sem dæmi. Einnig er í klefanum hilla þar sem hægt er að geyma ýmislegt sem þarf þá ekki að taka pláss á borðinu.

Góð og stillanleg loftræsting og vönduð stillanleg lýsing gera það að verkum að auðvelt er að breyta upplifuninni af því að vera inni í Work klefanum. Klefinn skynjar hvenær enginn er í klefanum og skiptir þá algjörlega um loft í honum til að næsti notandi komi að honum ferskum ef fyrri notandi hafði ekki nýtt sér loftræstikerfið og loftið farið að þyngjast.

Gler í Work getur verið glært eða sandblásið. Val er um liti og tegund áklæðis. Litur utan á klefanum er hvítur eða svartur og einnig er hægt að velja um liti á borðinu og hillunni inni í klefanum. Hægt er að velja sérstaklega betur eldvarið efni í klefann. Í klefanum eru rafmagns- og USB tengi svo auðvelt er að hlaða allar tölvur, spjaldtölvur og síma en einnig er hægt að fá önnur tengi svo sem nettengi og HDMI ásamt festingum fyrir skjái.

Fáðu tilboð í útfærslu sem hentar þér